Rise of The Guardians (2012) Free Watch And Download Online

ကိုင်း - ဒီတစ်ခေါက်လဲ ကာတွန်းကားပါပဲခင်ဗျာ။
ကာတွန်းကားတွေချည်းတင်နေတယ်လို့တော့ အပြစ်တင်မစောလိုက်ပါနဲ့။ ကျွန်တော်ကလဲ ကာတွန်းကား ခရေဇီတစ်ယောက်ကိုးဗျ။
ဇာတ်လမ်းအကျဉ်းချုပ်ကိုတော့ ပြောပြရရင်တော့ ကျွန်တော်တို့ မြန်မာတွေ ယုံကြည်ထားကြတာတစ်ခု ရှိတယ်။ ကမ္ဘာကြီးကိုစောင့်တဲ့ နတ်မင်းကြီးလေးပါးရှိတယ်။ စတုမဟာရာဇ်နတ်မင်းကြီး လေးပါးပေါ့။ ဒီဇာတ်ကားထဲမှာလဲ နတ်မင်းကြီးတွေလို့ ပြောလို့ ရလောက်တဲ့ Guardian လေးယောက်ရှိတယ်။ ကမ္ဘာကို စောင့်ရှောက်တယ်ဆိုတာထက် ကလေးတွေကို စောင့်ရှောက်တာပေါ့။ ကလေးဆိုတာက တစ်ချိန်မှာ ကမ္ဘာကို ထိန်းသိမ်းမယ့်လူတွေပဲလေ။

ခရစ်စမတ်ကာလမှာ ပေါ်လာတတ်တဲ့ ခရစ်စမတ်ဘိုးဘိုးကြီးရယ်၊ အီစတာပွဲတော်ကာလမှာ လက်ဆောင်တွေလာပေးတတ်တဲ့ အီစတာယုန်ကြီးရယ်၊ ကလေးငယ်တွေရဲ့ သွားကျိုးတဲ့အချိန် အဲဒီသွားလေးတွေကို သိမ်းထားပေးတတ်တဲ့ သွားနတ်သမီးရယ်၊ ကလေးတွေရဲ့ အိပ်မက်ကောင်းတွေကို ဖန်တီးပေးတဲ့ သဲနတ်သားရယ်တို့ပေါ့။

သူတို့ဟာ သူတို့ရဲ့ စွမ်းအားတွေနဲ့ ကလေးတွေကို ပျော်ရွှင်အောင် လုပ်ရင်း ကမ္ဘာကို စောင့်ရှောက်နေတုန်းမှာပဲ အကြောက်တရားကို ကိုယ်စားပြုတဲ့  မဟူရာနတ်ဆိုးဟာ အမှောင်စခန်းထဲမှာ အကျဉ်းချထားရာကနေ လွတ်မြောက်လာပြီး ကလေးကို ကြောက်ရွံ့အောင် လုပ်ဖို့ ကြိုးစားပါတော့တယ်။

နတ်ကောင်းလေးဖော်ဟာ သူတို့ချည်းသပ်သပ် မဟူရာနတ်ဆိုးရဲ့ ဥာဏ်နီဥာဏ်နက်ကို ယှဉ်နိုင်ဖို့ မလွယ်ပါဘူး။ ဒါကြောင့် သဘာဝတရားကြီးက နောက်ထပ် နတ်တစ်ပါးကို ဖန်ဆင်းပေးလိုက်ပါတယ်။ သူကတော့ နှင်းနတ်လို့ ခေါ်နိုင်တဲ့ ဆီးနှင်း-ဂျက်ပါ။ ဖြစ်ချင်တော့ သူ့ကိုယ်သူ နတ်ဖြစ်နေမှန်းလဲ မသိ၊ လူအဖြစ်ရှိစဉ်တုန်းကလိုပဲ ပြောင်ချော်ချော်လုပ်၊ ပေါ့ပျက်ပျက်တွေးပြီး သူ့ပျော်စရာတွေကိုပဲ သူ ရှာနေတတ်သူဖြစ်နေပါရော။

ဒီဇာတ်ကားရဲ့ ကျွန်တော်အကြိုက်ဆုံးအချက်ကတော့ You can see what you believe. ဆိုတာပါပဲ။ နတ်ကောင်းလေးဖော်ကို ကလေးတွေက တကယ်ရှိတယ်လို့ ယုံကြည်ကြတဲ့အတွက် မြင်နိုင်ပါတယ်။ ဒါပေမယ့် ဆီးနှင်း-ဂျက်ကို ရှိတယ်လို့ မယုံလို့ မမြင်နိုင်ပါဘူး။ ထို့အတူ မဟူရာနတ်ဆိုးကိုလဲ ရှိတယ်လို့ မယုံလို့ မမြင်ရပါဘူး။ ဒီမှာ မဟူရာနတ်ဆိုးက နတ်ကောင်းလေးဖော်ကို ကလေးတွေက တကယ်မရှိဘူးဆိုပြီး ထင်သွားအောင် လိုက်လုပ်ပါတော့တယ်။ ဟိုနတ်ကောင်းတွေကို မယုံရင် သူ့ကို ယုံလာပါတယ်။ နတ်ကောင်းလေးဖော်ဟာ သူတို့ကို ကလေးတွေက မယုံတော့တဲ့အတွက် အစွမ်းအစတွေ တဖြည်းဖြည်းလျော့နည်းလာပါတော့တယ်။ ဆီးနှင်း-ဂျက်ကိုလဲ ကလေးတွေက ရှိတယ်လို့ မယုံကြည်တဲ့အတွက် ဆီးနှင်း-ဂျက်ဟာ ဘာမှ အသုံးမ၀င်သလို ဖြစ်နေပါတယ်။ ဒါပေမယ့် နတ်ကောင်းငါးဖော်ထဲမှာ လှုပ်ရှားနိုင်တာ စွမ်းအားတွေ ကျန်သေးတာဆိုလို့ ဆီးနှင်း-ဂျက်ပဲ ရှိပါတော့တယ်။

ဆီးနှင်း-ဂျက် ဘာလုပ်မလဲ။
မဟူရာနတ်ဆိုးပဲ အနိုင်ရသွားလေမလား။

ဆက်လက်ပြီး ပိတ်ကားပေါ်မှာ အဖြေရှာ ကြည့်ကြပါစို့။
ဘာပဲပြောပြော You can see what you believe. ဆိုတာကိုတော့ ဇာတ်ကားကြည့်ပြီးသွားရင်တောင်မှ ဘ၀အတွက် နှလုံးသွင်းထားပေတော့ဗျာ။

ဇာတ်ကားကြည့်ရန်နှင့် ဒေါင်းလုဒ်ချရန်လင့်ခ်
Download
Free Watch Online

The Terminal (2004) (comedy-drama)

မင်္ဂလာပါသူငယ်ချင်းတို့ရေ...

ဇာတ်ကားတွေလဲ တင်မယ်၊ တင်မယ်နဲ့ ဇာတ်လမ်းအကျဉ်းရေးဖို့ ပျင်းနေတာနဲ့ပဲ မတင်ဖြစ်တာ ကြာပါပြီ။

အခုတော့ ဇာတ်ကားတစ်ကားထပ်တင်ပေးချင်ပါတယ်။

ဇာတ်ကားလေးကတော့ ဟာသ-ဒရမ်မာဇာတ်ကားအမျိုးအစားလေးပါခင်ဗျာ။ ကြာတော့ ကြာခဲ့ပါပြီ၊ ကြည့်ဖူးတဲ့သူလဲ များရင် များပါလိမ့်မယ်။

နိုင်ငံခြားရောက် ကသိကအောက်ဖြစ်ရတာလေးအကြောင်း ဇာတ်လမ်းဆင်ရိုက်ကူးထားတာပါ။

ဇာတ်ကားလေးနာမည်ကတော့ The Terminal ဖြစ်ပါတယ်ခင်ဗျာ။

ကြည့်ဖူးကြလားသူငယ်ချင်းတို့။

မင်းသားနဲ့ မင်းသမီးကတော့ တကယ့်ဂရိတ်ကြီးတွေပါ၊ တွမ်ဟန့်နဲ့ ကက်သရင်းဇီတာဂျုံးတို့ပေါ့။

ဇာတ်လမ်းကျောရိုးကတော့ အမေရိကားကို တစ်ခါမှ မရောက်ဖူးတဲ့ ကရာကိုဇီးယားဆိုတဲ့ နိုင်ငံငယ်လေးက ခရီးသည်တစ်ယောက် အမေရိကားကို ရောက်လာတဲ့အခါ ဘာသာစကားက မကျွမ်းကျင်၊ တိုင်ပင်အကူအညီတောင်းရမယ့်သူက မရှိ၊ အမေရိကရဲ့ အထာတွေကိုလည်း နားမလည်၊ သည်လိုနဲ့ လေဆိပ်မှာတင် ယောင်ချာချာ ဖြစ်နေရတဲ့ အကြောင်းကို ပျော်ရွှင်ဖွယ်ဖြစ်အောင် ဟာသနှော၊ အသောခပ်များများနဲ့ ၀မ်းနည်းစရာလေးတွေလဲ ဖြစ်ပျက်၊ ချစ်ခြင်းတရားအကြောင်းလည်း ရောစွက်ထားတဲ့ ဇာတ်ကားကောင်းလေးပါပဲ။

ဇာတ်လမ်းလေးကတော့ အဓိကဇာတ်ဆောင်ဖြစ်သူ ကရာကိုးဇီးယားနိုင်ငံသား မစ္စတာနိုဗောစကီးတစ်ယောက် အမေရိကားပြည်၊ JFK international airportကို ရောက်လာတာကနေ စတင်ခဲ့ပါတယ်။

နိုဗောစကီး အမေရိကားကို ရောက်လာခဲ့တာကတော့ ဖခင်ဖြစ်သူ အသက်မဆုံးခင် အပြီးမသတ်နိုင်ခဲ့တဲ့ အလုပ်တစ်ခုကို အဆုံးသတ်ဖို့ ရောက်လာခဲ့တာပါ။

ဘာသာစကားမကျွမ်းကျင်ဘဲ yes နဲ့ no လောက်သာ ကောင်းကောင်းသိတဲ့ နိုဗောစကီးတစ်ယောက် ပျားပန်းခတ်နေတဲ့ လေဆိပ်ကြီးထဲ ခြေချလိုက်ကတည်းက အဆင်မပြေမှုတွေ စခဲ့ပါတော့တယ်။

ပတ်စ်ပို့ပြရတဲ့နေရာမှာတင် သူ့ကို ၀င်ခွင့်ပေးလို့ မဖြစ်နိုင်တာကြောင့် လေဆိပ်ရဲက သူ့ကို လေဆိပ်အုပ်ချုပ်ရေးမှူးဆီ ခေါ်သွားပါတော့တယ်။

ဘာဖြစ်လို့လဲဆိုတော့ နိုဗောစကီးရဲ့ နိုင်ငံဖြစ်တဲ့ ကရာကိုးဇီးယားအစိုးရက သူတို့ဆီက လေကြောင်းအ၀င်တွေ အားလုံး ပိတ်ထားလို့ပါ။ ကရာကိုးဇီးယားမှာ လူထုအုံကြွမှုဖြစ်ပြီး အစိုးရသစ်တက်ပါတယ်။ ဒါကြောင့် အခြေအနေအကြောင်းကြောင်းကြောင့် အစိုးရသစ်ဟာ သူ့နိုင်ငံရဲ့ လေကြောင်းအ၀င်အထွက် အားလုံးကို ပိတ်ပစ်လိုက်ပါတယ်။ ထို့အတူပဲ သူ့ရဲ့ ပတ်စ်ပို့ဟာလည်း တရားမ၀င်ဖြစ်သွားတဲ့အခါ နိုဗောစကီးဟာ နိုင်ငံမဲ့သူတစ်ယောက် အမေရိကားကိုလည်း ၀င်ခွင့်မရ၊ ကရာကိုးဇီးယားကိုလည်း ပြန်လို့ မရ ဖြစ်နေပါတော့တယ်။

ဒါကြောင့် နိုဗောစကီးဟာ အမေရိကားကို ၀င်ခွင့်မရပါဘူး။

ဒါကို လေဆိပ်အုပ်ချုပ်ရေးမှူးက ခေါ်ယူရှင်းပြပေမယ့် yes လို့ချည်း တွင်တွင်ပြောနေတဲ့ နိုဗောစကီးက လုံးဝနားမလည်ပါဘူး။

နောက်ဆုံး သူ့ကို လေဆိပ်ထဲမှာပဲ နေဖို့ အုပ်ချုပ်ရေးမှူးက ခွင့်ပြုလိုက်ပါတယ်။

လေဆိပ်ရဲမှူးက သူ့ကို အခမဲ့အစားအသောက်ဘောက်ချာအချို့၊ ၁၅မိနစ်ဆက်လို့ရတဲ့ ဖုန်းကဒ်တစ်ခု၊ လေဆိပ်ရဲက သူ့ဆီ ဆက်သွယ်နိုင်ဖို့ ပေဂျာတစ်ခု စတာတွေ ပေးပါတယ်။

ဘယ်လိုမျိုး အသုံးပြုရမယ်ဆိုတာလဲ ရှင်းပြပါတယ်။

ဒါပေမယ့် ခက်တာက နိုဗောစကီးက တစ်လုံးမှ နားမလည်လိုက်ပါဘူး။

နောက်ဆုံးတော့ သူ နားလည်လိုက်တာက တစ်ခုထဲပါ။ America is closed. အမေရိကားကို ၀င်ခွင့်မပြုပါ။

သည်လိုနဲ့ နိုဗောစကီးတစ်ယောက် လေဆိပ်ထဲမှာပဲ နေ့စဉ်နေထိုင်ဖြတ်သန်းဖို့ ဖြစ်လာပါတော့တယ်။

သူ အရင်ဆုံး ကြုံတွေ့ရတဲ့ ပြဿနာကတော့ အစားအသောက်ပြဿနာပါ။ အစားအသောက်ဘောက်ချာတွေ ကျပျောက်သွားတဲ့အပြင် ကရာကိုးဇီးယားငွေကလည်း သုံးလို့မရပါဘူး။

သည်လိုနဲ့ စား၊၀တ်၊နေရေး ကိစ္စအားလုံးကို လေဆိပ်ထဲမှာပဲ ကြံဖန်ဖြေရှင်းရင်း လေဆိပ်အမှုထမ်းတွေဖြစ်တဲ့ သန့်ရှင်းရေးသမား အိန္ဒိယနိုင်ငံမှ ဂုပ္ပတ္တား၊ အစားအစာယဉ်မောင်း တောင်အမေရိကမှ အန်ရီကေး၊ လေဆိပ်အထုပ်အပိုးပို့ဆောင်သူ အာဖရိကမှ မူလ်ရွိုင်း၊ လေဆိပ်ဝန်ထမ်းမလေး တောရက်စ်တို့ နဲ့ ရင်းနှီးခင်မင်လာခဲ့ပါတယ်။

တစ်နေ့မှာတော့ ဘ၀ရဲ့ ကိစ္စအားလုံးကို လေဆိပ်မှာပဲ ကြံဖန်ဖြေရှင်းနေရတဲ့ နိုဗောစကီးတစ်ယောက်ဟာ ရောက်ရာလေဆိပ်မှာ စပွန်ဆာအချစ်ကို ရှာတတ်ပြီး အရမ်းချောမောလှပတဲ့ လေယာဉ်မယ်လေး အာမေးလီးယား ၀ါရမ်နဲ့ ဆုံတွေ့ပြီးတဲ့အခါမှာတော့ ရင်သပ်လွမ်းမောဖွယ်ရာ အချစ်ဇာတ်လမ်းလေးတစ်ပုဒ်ကို ဖန်တီးမိပါတော့တယ်။

ဇာတ်ကားလေးက ပျော်ရွှင်ခြင်း၊ ၀မ်းနည်းခြင်း၊ ကြည်နူးခြင်း၊ လွမ်းမောခြင်း စတဲ့ ရသပေါင်းစုံကို တစ်ခါတည်း ပေးစွမ်းနိုင်တဲ့ ဇာတ်ကားကောင်းလေးပါပဲ။

နိုင်ငံခြားကို ရောက်နေတဲ့၊ ရောက်ဖူးတဲ့ သူငယ်ချင်းများအနေနဲ့ ဇာတ်ကားထဲက နိုဗောစကီးရဲ့ အူကြောင်ကြောင် ကသိကအောက်ဖြစ်ရပ်တွေထဲက တစ်ခုမဟုတ်တစ်ခုတော့ ကြုံဖူးမှာပါ။

ကဲ... သည်လိုဆိုတော့ ကျွန်တော်တို့ ဇာတ်ကားလေးကို ဖန်သားပြင်ပေါ်မှာပဲ ရှုစားလိုက်ကြရအောင်လားခင်ဗျာ...

တိုက်ရိုက်ကြည့်ရန်လင့်ခ်

http://movpod.in/i0uj5rd3hvpn

ဘာမှ မနှိပ်ပါနဲ့၊ Continue ကိုပဲ နှိပ်ပြီး ဆက်သွားပါ။ ဇာတ်ကားကြည့်လို့ရတဲ့ နေရာ ရောက်လာပါလိမ့်မယ်။

ဒေါင်းလုဒ်ချရန်လင့်ခ်

Torrent ဖြင့် ဒေါင်းပါ

ကျေးဇူးတင်ပါတယ်။

Mama (2013) Free Watch Online And Free Download

ဒီတစ်ခါတော့ ကျွန်တော် တော်တော်ကြိုက်မိတဲ့ သရဲကားတစ်ကားတင်ပေးသွားပါမယ်။
ဇာတ်ကားနာမည်က MAMAလို့ ခေါ်ပါတယ်။ 2013ခုနှစ်က ထွက်တာပါ။
တစ်နှစ်လောက်တော့ ကြာသွားပြီ။
ဇာတ်ကားအကျဉ်းချုပ်ပြောရရင်တော့ 2008စီးပွားပျက်ကပ်မှာ ထိခိုက်သွားတဲ့ လုပ်ငန်းရှင်တစ်ဦးဖြစ်သူ ဂျက်ဖရီဟာ စိတ်ဓာတ်တွေအကြီးအကျယ်ကျဆင်းပြီး သူ့လုပ်ဖော်ကိုင်ဖက်တွေနဲ့ သူ့ဇနီးကို ပစ်သတ်လိုက်ပါတယ်။ ပြီးတဲ့နောက် သုံးနှစ်အရွယ်သမီးလေး ဗစ်တိုးရီးယားနဲ့ တစ်နှစ်အရွယ်သမီးလေး လီလီတို့ကို ခေါ်ပြီး ခြေဦးတည့်ရာ လျှောက်သွားရင်း ကားပျက်ပြီး တောနက်တစ်ခုထဲ ရောက်သွားပါတယ်။
ဂျက်ဖရီရဲ့ အကြံက သမီးလေးနှစ်ယောက်ကို သတ်ပြီး သူ့ကိုယ်သူ သတ်သေဖို့ပါ။ ဒါပေမယ့် သူ့အကြံ မအောင်မြင်လိုက်ပါဘူး။ သမီးလေးနှစ်ယောက်ကို သတ်ဖို့ ချီတုံချတုံဖြစ်နေစဉ်မှာပဲ သူ့ကို တစ်စုံတစ်ခုက သတ်သွားပါတော့တယ်။ သူ သေသွားပြီးတဲ့နောက် လူမမည်သမီးငယ်လေးနှစ်ဦးဟာ လူ့လောကနဲ့ အလှမ်းဝေးလွန်းတဲ့ တောနက်ကြီးထဲမှာ ဘာမသိညာမသိ ကျန်ရစ်နေခဲ့ပါတော့တယ်။
အဲဒီနောက် ငါးနှစ်အကြာမှာ တောနက်ကြီးထဲက လူစကားမပြောတတ်ဘဲ လေးဘက်ထောက်ပြီးသာ သွားတတ်တဲ့ ကလေးနှစ်ယောက်ကို မုဆိုးနှစ်ယောက်က ရှာဖွေတွေ့ရှိခဲ့ပါတယ်။ သူတို့ကို ကလေးတွေကို ရှာဖို့အတွက် ဂျက်ဖရီရဲ့ ညီဖြစ်သူ လူးကပ်စ်က ငွေပေးပြီး ခိုင်းစေထားခဲ့တာပါ။ ငါးနှစ်အကြာမှ ပြန်တွေ့ခြင်းဖြစ်ပါတယ်။ အဲဒီအချိန်မှာ ကလေးမတွေ ပါးစပ်က တဖွဖွ ရွတ်တတ်နေတာကတော့ မားမားဆိုတဲ့ စကားလုံးပါပဲ။
ပြန်တွေ့တဲ့အခါ လူးကပ်စ်က သူနဲ့အတူ ထားချင်ပေမယ့် လူမရှိ သူမရှိ တောနက်ထဲမှာ အရိုင်းတွေလို ကြီးပြင်းခဲ့ရတဲ့ ကလေးမလေးနှစ်ယောက်အနေနဲ့ လူတွေကြားထဲ နေဖို့ မသင့်တော်သေးဘူးဆိုပြီး ဆရာဝန်က အကြံပေးတာကြောင့် လူးကပ်စ်ဟာ ကလေးမလေးတွေကို ခေါ်ပြီး ချစ်သူအန်နီဘယ်နဲ့အတူ လူသူမနီးတဲ့ တောရွာက အပန်းဖြေအိမ်တစ်ခုကို ပြောင်းရွှေ့နေထိုင်ကြပါတယ်။ အဲဒီအိမ်ကိုတော့ ကလေးမလေးတွေကို လေ့လာသုတေသနလုပ်ချင်တဲ့ စိတ်အထူးကုဆရာဝန်တစ်ယောက်က ထောက်ပံ့ပေးတာပါ။
တကယ်တော့ တောထဲမှာ ကလေးမလေးနှစ်ယောက်ဟာ သူတို့ချည်း နေထိုင်ရှင်သန်နိုင်ခဲ့ကြတာ မဟုတ်ပါဘူး။ သူတို့ပါးစပ်က ရွတ်ရွတ်နေတဲ့ မားမားဆိုတဲ့ အရာက သူတို့ရှင်သန်နိုင်အောင် စောင့်ရှောက်ပေးခဲ့တာပါ။
သူတို့နှစ်ယောက် တောနက်ထဲကနေ တောရွာလေးက အိမ်ဆီကို ပြောင်းရွှေ့ခဲ့ကြပေမယ့် သူတို့ကို လွမ်းနေတဲ့ မားမားက သူတို့ဆီ အရောက်လာခဲ့ပါတယ်။ မားမားဆိုတာ တကယ်တော့ နှစ်ချို့နေတဲ့ သရဲမကြီးတစ်ကောင်ပါ။ သ၀န်တိုစိတ်လဲ တအားကြီးလို့ ကလေးတွေကို သူကလွဲရင် ဘယ်သူမှ မချစ်ရဘူး။ ကလေးတွေကလဲ သူက လွဲရင် ဘယ်သူ့ကိုမှ မချစ်ရဘူးဆိုတဲ့ သဘောနဲ့ ကလေးတွေရဲ့ ဦးလေး လူးကပ်စ်ကို အိမ်ပေါ်က တွန်းချပြီး အသက်အန္တရာယ်ရှာပါတယ်။
ကံကောင်းချင်တော့ လူးကပ်စ်ဟာ မသေဘဲ မေ့မြောပြီး ဆေးရုံရောက်သွားပါတယ်။
အိမ်မှာ အန်နီဘယ်နဲ့ ကလေးမလေးနှစ်ယောက်သာ ကျန်ခဲ့ပါတယ်။ အန်နီဘယ်ဟာ အစတုန်းက ကလေးတွေကို အလုပ်ရှုပ်လို့ မထိန်းချင်ခဲ့ပါဘူး။ နောက်ပိုင်းမှာတော့ သူကလဲ ကလေးတွေကို သံယောဇဉ်တွယ်လာခဲ့ပါတယ်။ ကလေးမလေးတွေကို ကောင်းမွန်စွာ ပြုစုစောင့်ရှောက်တဲ့အခါ ကလေးတွေကလဲ ပြန်ပြီး ချစ်ခင်စ ပြုလာပါပြီ။
အဲဒီအချိန်မှာ စိတ်ကုဆရာဝန်ကလဲ ကလေးတွေနောက်က နှစ်ချို့သရဲမအကြောင်းကို နည်းနည်းရိပ်မိနေပြီး ဖော်ထုတ်ဖို့ ကြိုးစားလာပါပြီ။
မားမားဆိုတဲ့ သရဲမကြီးအတွက် လုပ်စရာ သိပ်မရှိတော့ပါဘူး။
သူအရမ်းချစ်တဲ့ ကလေးတွေကို လူးကပ်စ်နဲ့ အန်နီဘယ်တို့ဆီက ပြန်လုယူမယ်။ ပြီးရင် သူ့အကြောင်းသိလာမယ့်သူကို မသိအောင် လုပ်ရပါတော့မယ်။
ဆက်လက်ပြီး ဇာတ်လမ်းအစုံကိုတော့ ပိတ်ကားပေါ်မှာ ရှုစားကြပါရန်။

Click Here To Watch And Download

The Flowers of War (2011) Free Watch Online And Download

The Flowers of War လို့ အမည်ရတဲ့ ၁၉၃၀ကျော် ခုနှစ်ကာလတွေအတွင်းက တရုတ်နဲ့ ဂျပန်ကြား ဖြစ်ပွားခဲ့တဲ့ စစ်အတွင်းက နန်ကင်းမြို့ကို အခြေံရိုက်ကူးထားတဲ့ ဇာတ်ကားလေးကို တင်ပေးပါရစေ။

စစ်ရဲ့ အနိဌာရုံတွေကို အနုပညာဆန်စွာ တင်ပြသွားတဲ့ ဇာတ်ကားကောင်းလေးဖြစ်ပါတယ်။

၁၉၃၇ခုနှစ်မှာ ဖြစ်ပွားခဲ့တဲ့ ဂျပန်နိုင်ငံက တရုတ်နိုင်ငံရဲ့ ဒေသများကို သိမ်းပိုက်ဖို့ ကြိုးစားခဲ့တဲ့ စစ်ပွဲမှာ နန်ကင်းမြို့ဟာ ရှေ့တန်းအကျဆုံး မြို့တစ်မြို့ဖြစ်ခဲ့ပါတယ်။

ဂျပန်ဘုရင့်တပ်မတော်ဟာ နန်ကင်းမြို့တစ်မြို့လုံးကို ရက်စက်ကြမ်းကြုတ်စွာ သိမ်းပိုက်ရယူဖို့ ကြိုးစားနေခိုက် ကမ္ဘာပျက်သလို အချိန်လေးမှာ ဇာတ်လမ်းလေးကို စတင်အခြေပြုခဲ့ပါတယ်။

ဇာတ်လမ်းထဲမှာ John Miller အမည်ရ အမေရိကန်နိုင်ငံသား၊ သုဘရာဇာတစ်ယောက် (အလောင်းများကို ကြည့်ကောင်းအောင် ပြင်ဆင်ပေးရသူလည်းဖြစ်)ဟာ နန်ကင်းမြို့က ခရစ်ယာန်ချက်ကျောင်းတစ်ခုမှ ကျောင်းထိုင်ဆရာတော်ရဲ့ အလောင်းကို ပြင်ဆင်ပေးဖို့ ရောက်လာရင်း စစ်ပွဲအလယ်ကို ရောက်သွားခဲ့ပါတယ်။

သူဟာ ငွေရဖို့အတွက် ဒီလို စစ်ပွဲတောထဲ လာခဲ့ရတာ ဖြစ်ပြီး သူ့အတွက် လောကမှာ ငွေကသာ အရေးအကြီးဆုံးပါ။

ဒါပေမယ့် ချက်ကျောင်းကို ရောက်သွားတဲ့အခါမှာ ဘယ်သူမှ မရှိတော့ဘဲ ခိုကိုးရာမဲ့ ဆယ့်သုံး၊ ဆယ့်လေးနှစ်အရွယ် ကျောင်းသူလေးတစ်စုနဲ့ ကျောင်းထိုင်ဆရာတော်ရဲ့ မွေးစားသား ဆယ့်နှစ်နှစ်အရွယ်ကောင်လေးတစ်ယောက်ကိုသာ တွေ့လိုက်ရပါတယ်။

သက်စွန့်ဆံဖျားလာခဲ့ရတဲ့ သူ့အတွက် ပိုက်ဆံတစ်ပြားမှ ရဖို့ မရှိတော့သလို ငတ်ကိန်းပါဆိုက်နေတာကြောင့် John Miller တစ်ယောက် စိတ်ပျက်လက်ပျက်ဖြစ်နေတုန်းမှာပဲ ချက်ကျောင်းထဲကို စစ်ပြေးဒုက္ခသည်တွေ အဖြစ် ပြည့်တန်ဆာတွေလို့လဲ ပြောလို့ရတဲ့ စားသောက်ဆိုင်က အပျော်မယ်တစ်စု ရောက်လာခဲ့ကြပါတယ်။

အနောက်တိုင်းသြဇာအောက်မှာ ရှိတဲ့ ချက်ကျောင်းတွေမို့ လုံခြုံမယ်ယူဆပြီး ရောက်လာခဲ့ကြတာပါ။

ဒါပေမယ့် ချက်ကျောင်းဟာလဲ စစ်အတွင်းမှာတော့ လုံခြုံတဲ့ နေရာ မဟုတ်တော့ပါဘူး။

ဂျပန်တပ်စုတစ်စု ရောက်လာကြပြီး ချက်ကျောင်းကို ၀င်စီး ကျောင်းသူလေးများကို မုဒိမ်းကျင့်ဖို့ ကြိုးစားကြပါတယ်။ အပျော်မယ်တစ်စုကိုတော့ ကျောင်းအောက်မှာ ၀ှက်ထားတာမို့ ရှိနေကြောင်းတောင် ဂျပန်တွေက မသိခဲ့ပါဘူး။

John Miller ဟာ ဂျပန်တွေကို အစွမ်းရှိသလောက် တားဆီးခဲ့ပေမယ့် မတတ်နိုင်ခဲ့ပါဘူး။

အဲဒီဂျပန်တပ်စုဟာ ယုတ်မာဖို့ အထမမြောက်ခဲ့ဘဲ နန်ကင်းရဲ့ တစ်ဦးတည်းကျန်ရစ်သော တရုတ်စစ်သားဖြစ်သူက မိမိကိုယ်တိုင် အသေခံပြီး ဂျပန်တပ်စုကို ချေမှုန်းပေးခဲ့ပါတယ်။

ဒါပေမယ့် နန်ကင်းတစ်မြို့လုံးကို ဂျပန်တွေ သိမ်းပြီးသွားပြီမို့ နောက်ထပ်ရောက်လာတဲ့ ဂျပန်တပ်တွေဟာ ချက်ကျောင်းကို ၀ိုင်းထားလိုက်ပါတယ်။

ဂျပန်ဗိုလ်မှုးကြီးဖြစ်သူ ဟာဆီဂါဝါကိုယ်တိုင်ရောက်လာပြီး ချက်ကျောင်းကို အကာအကွယ်ပေးမည်ဖြစ်ကြောင်း၊ သို့သော် ကျောင်းသူလေးတွေဟာ သီချင်းဆိုကောင်းကြတာကြောင့် တစ်ရက်ရက် ကျင်းပမယ့် နန်ကင်းမြို့သိမ်း အောင်ပွဲအခမ်းအနားမှာ သီချင်းဆိုဖို့ လွှတ်ပေးပါရန် ဆရာတော်အဖြစ် ဟန်ဆောင်ထားသူ John Miller ကို တောင်းဆိုပါတယ်။

John Miller က နောက်ကွယ်က အကြံအစည်တွေကို သိနေတာကြောင့် မဖြစ်နိုင်ကြောင်းငြင်းပေးမယ့် ဟာဆီဂါဝါက ဒါဟာ တောင်းဆိုမှုလဲ ဖြစ်သလို အမိန့်လဲ ဖြစ်တာကြောင့် မလိုက်နာလို့ မရဘူးလို့ ပြောပြီး ပြန်သွားခဲ့ပါတယ်။

တကယ်တော့ ကျောင်းသူလေးတွေကို သီချင်းဆိုခိုင်းရုံသက်သက်မဟုတ်ဘဲ အသွေးအသားများကိုပါ စားသုံးရန်ဖြစ်ကြောင်း သေချာနေလေတော့......

စစ်ရဲ့ သားကောင်တွေ ဖြစ်ကြတော့မယ့် အပြစ်မဲ့ နုနယ်လှတဲ့ ကျောင်းသူလေးတစ်စု၊ စကားသိပ်မပြောပေမယ့် ကျောင်းသူလေးတွေအတွက် အရာရာစွန့်လွှတ်ဖို့ ဆုံးဖြတ်ထားတဲ့ ကောင်လေးတစ်ယောက်၊ ငွေလိုချင်လို့ လာခဲ့ပေမယ့် ငွေထက်အရေးကြီးတာ သိသွားခဲ့တဲ့ အနောက်တိုင်းသား သုဘရာဇာတစ်ဦး၊ လုပ်ရတဲ့ အလုပ်က နိမ့်ကျပေမယ့် အရေးကြုံတဲ့အခါ စိတ်ထားမနိမ့်ကျတဲ့ အပျော်မယ်တစ်စု၊ စစ်အတွင်း သမီးဖြစ်သူကျန်ခဲ့လို့ ဂျပန်စကားပြန်အဖြစ် စစ်ထဲ ပြန်လာခဲ့တဲ့အဖေတစ်ဦး  စတဲ့ ဇာတ်ကောင်တွေများစွာ စစ်အတွင်း ဒုက္ခတွေကြား အတ္တတွေခ၀ါချ၊ လူသားဆန်မှုတွေကို ဖော်ပြရင်း အနုပညာရသကို အကောင်းဆုံးပုံဖော်ထားတဲ့ ဇာတ်ကားဖြစ်ပါတယ်။

ဇာတ်လမ်းအစအဆုံးကိုတော့ ပိတ်ကားပေါ်မှာပဲ ဆက်လက်ရှုစားလိုက်ကြပါဦးနော်။

http://sharerepo.com/r6ff75twl2cz

ဒေါင်းလုဒ်လိုချင်ရင်လဲ ဒေါင်းလုဒ်ဆိုတဲ့ လင့်ခ်လေးကို နှိပ်လိုက်ပါ။
အဆင်ပြေကြပါစေ။

Unknown (သည်းထိတ်ရင်ဖို-thriller) - 2011 Free Watch Online And Download

ဇာတ်ကားအစမှ အဆုံးထိတိုင် ထိုင်ရာမှ မထချင်လောက်အောင်ကို ဆွဲဆောင်မှုရှိတဲ့ သည်းထိတ်ရင်ဖို ဇာတ်ကားဖြစ်ပါတယ်။

ဇာတ်ကားအမည်ကတော့ Unknown ဖြစ်ပါတယ်ခင်ဗျာ။

နာမည်ကြီး ဇာတ်ကားတစ်ကားမို့ ကြည့်ပြီးသူတွေလဲ ရှိပါလိမ့်မယ်။

ဘာပဲဖြစ်ဖြစ် ဇာတ်လမ်းအကျဉ်းလေးတော့ ပြောပါရစေ။

အမေရိကန်နိုင်ငံမှ သိပ္ပံပညာရှင် ဒေါက်တာမာတင်ဟဲရစ်စ်နဲ့ သူ့ဇနီး လစ်ဇ်တို့ နှစ်ယောက် ဇီဝနည်းပညာဆိုင်ရာ ထိပ်သီးအစည်းအဝေးတစ်ခုကို တက်ရောက်ဖို့ ဂျာမနီနိုင်ငံ၊ ဘာလင်မြို့ကို ရောက်လာတာကနေ အစပြုထားပါတယ်။

ဒေါက်တာမာတင်ဟဲရစ်စ်အတွက် ဘ၀မှာ အရမ်းအရေးကြီးတဲ့ ကိစ္စတစ်ခုကို အကောင်အထည်ဖော်ဖို့ပဲ ဆိုပါတော့။

လေဆိပ်ကနေ ကြိုတင်ဘွတ်ကင်ချိတ်ထားတဲ့ ဟော်တယ်ထံကို ဇနီးမောင်နှံနှစ်ဦး တက္ကစီတစ်စီးငှားပြီး ထွက်ခဲ့ကြပါတယ်။

ဖြစ်ချင်တော့ ဟိုတယ်ရောက်ပြီး အိတ်တွေ စစ်တဲ့အခါမှာ ဒေါက်တာမာတင်ဟဲရစ်စ်ရဲ့ ပတ်စ်ပို့အပါအ၀င် အရေးကြီးစာရွက်စာတမ်းတွေ ထည့်ထားတဲ့ လက်ဆွဲအတာချီကေ့စ်တစ်လုံး လေဆိပ်မှာ ကျန်ခဲ့မှန်း သိလိုက်ရပါတယ်။

ငှားလာတဲ့ တက္ကစီဟာလဲ ထွက်သွားပြီမို့ ဒေါက်တာမာတင်ဟဲရစ်စ်ဟာ ဟိုတယ်ထဲကို မ၀င်တော့ဘဲ နောက်ထပ်တက္ကစီတစ်စီးကို ကားလမ်းမထက် တက်ပြီး ငှားလိုက်ရပါတယ်။ ဇနီးဖြစ်သူ လစ်ဇ်ကတော့ ဟိုတယ်ထဲ ၀င်သွားခဲ့ပြီဖြစ်ပါတယ်။

အဲဒီတက္ကစီကတော့ ဂျာမနီနိုင်ငံသူတစ်ဦး ဟုတ်ဟန်မတူတဲ့ အမျိုးသမီးတစ်ဦး မောင်းတဲ့ တက္ကစီဖြစ်နေပါတယ်။

ဒေါက်တာမာတင်ဟဲရစ်စ်က လေဆိပ်ကို အနီးဆုံးလမ်းက အမြန်ဆုံးရောက်အောင် မောင်းပေးဖို့ ပြောပြီး အိတ်ကျန်ခဲ့မှန်း၊ ပြန်သွားယူမှန်း မသိသေးတဲ့ လစ်ဇ်ထံ မိုဘိုင်းဖုန်းနဲ့ ဆက်သွယ်ဖို့ ကြိုးစားပေမယ့် ဖုန်းလိုင်း မမိဖြစ်နေခဲ့ပါတယ်။

တက္ကစီဒရိုင်ဘာ အမျိုးသမီးဖြစ်သူကလဲ ယာဉ်ကြောပိတ်ဆို့နေတဲ့ လမ်းတွေကို ရှောင်ကွင်းရင်း မောင်းခဲ့ပါတယ်။

တက္ကစီရဲ့ ရှေ့ယာဉ်တစ်စီးအကျော်မှာ အိမ်ထောင်ပရိဘောဂတွေ တင်ထားတဲ့ ထရပ်ကားတစ်စီး သွားနေပါတယ်။

ရုတ်တရက်ဆိုသလို အဲဒီကားပေါ်မှာ ပါလာတဲ့ ရေခဲသေတ္တာတစ်လုံးဟာ ချည်ထားတဲ့ ကြိုးပြတ်ထွက်သွားပြီး ရေခဲသေတ္တာကြီးဟာ တက္ကစီထံကို အရှိန်နဲ့ ပြေးလာပါတော့တယ်။

တက္ကစီမောင်းသူ အမျိုးသမီးလဲ ကြောက်အားလန့်အားနဲ့ ဆွဲကွေ့လိုက်တဲ့အခါ တက္ကစီကားဟာ တစ်ဖက်ယာဉ်ကျောထဲ ရောက်သွားပြီးနောက် တစ်ဖက်က အရှိန်နဲ့လာနေတဲ့ ဆိုင်ကယ်တစ်စီးနဲ့ မျက်နှာချင်းဆိုင် ဖြစ်သွားပြန်ပါတယ်။

အမျိုးသမီးဟာ ကြောက်လန့်တကြား ရှောင်ဖို့ ကြိုးစားပေမယ့် ရှောင်စရာ လမ်းမရှိတော့ဘဲ တက္ကစီဟာ ပလက်ဖောင်းကို ကျော်သွားပြီး တစ်ဖက်မှာ ရှိနေတဲ့ မြစ်ထဲ ထိုးကျသွားပါတော့တယ်။

တက္ကစီဟာ မြစ်ရေပြင်ကို အရှိန်နဲ့ ပြေးဆောင့်တဲ့အခါ ကားမောင်းသူနေရာမှာ လေအိတ်ပေါ်လာပြီး အမျိုးသမီး ထိခိုက်မှုမရပေမယ့် ဒေါက်တာမာတင်ဟဲရစ်စ်ကတော့ ကားတံခါးမှန်နဲ့ ဦးခေါင်း ဆောင့်မိပြီး သတိလစ်သွားပါတော့တယ်။

ကားမောင်းသူ အမျိုးသမီးဟာ ကားမှန်ကိုခွဲပြီး ရေထဲ နစ်မြုပ်နေပြီဖြစ်တဲ့ ကားထဲက ထွက်လိုက်နိုင်ခဲ့ပါတယ်။

နောက်ပြီး သူမဟာ ကားထဲမှာ သတိမေ့ပြီး ပါသွားတဲ့ ဒေါက်တာမာတင်ဟဲရစ်စ်ကိုပါ ကယ်ထုတ်ခဲ့ပြီး မြစ်ကမ်းပလက်ဖောင်းပေါ်က ကူညီဖို့ရောက်လာတဲ့ လူတွေရဲ့ အကူအညီနဲ့ သတိမေ့နေတဲ့ ဒေါက်တာမာတင်ဟဲရစ်စ်ကို ကမ်းပေါ်တင်ပေးခဲ့နိုင်ပါတယ်။

ဒါပေမယ့် အမျိုးသမီးဟာ လူနာတင်ကားရောက်လာပြီးနောက် ရဲကားတွေ ရောက်မလာခင်အချိန်မှာပဲ လူအုပ်ကြားမှ ပျောက်သွားပါတော့တယ်။

သည်လိုနဲ့ ဒေါက်တာမာတင်ဟဲရစ်စ်တစ်ယောက် ဆေးရုံတစ်ခုကို ရောက်လာခဲ့ရပါတယ်။

ဒေါက်တာမာတင်ဟဲရစ်စ်ဟာ ဦးခေါင်းဒဏ်ရာနဲ့ အဆုတ်ထဲ ရေ၀င်တဲ့ဒဏ်တွေကြောင့် ဆေးရုံမှာ လေးရက်ကြာကြာ သတိမရသေးဘဲ မျောနေခဲ့ပါတယ်။

သူ သတိရလာခဲ့ချိန်မှာတော့ သူမှတ်မိတာဟာ သူ့နာမည် ဒေါက်တာမာတင်ဟဲရစ်စ်ဆိုတာရယ်၊ သူ့ဇနီးလစ်ဇ်ရဲ့ နာမည်ရယ်နဲ့ သူတို့နှစ်ယောက် ဂျာမနီကို အတူတကွ လာခဲ့ကြတယ်ဆိုတာကလွဲလို့ ဘာမှ မမှတ်မိတော့ပါဘူး။

သူသတိရလာတဲ့အခါ ဆေးရုံက ဒေါက်တာနဲ့ နာ့စ်တို့က သူ့ကို မေးပေမယ့် ဘာမှ မဖြေနိုင်ပါဘူး။

ဒေါက်တာက သက်သက်သာသာနေဖို့နဲ့ သည်လို ဖြစ်တတ်ကြောင်း၊ ဒါပေမယ့် များသောအားဖြင့် မှတ်ဥာဏ်တွေကို ပြန်ရတတ်ကြောင်း၊ လူပျောက်တိုင်တန်းမှုရှိမရှိ ရဲစခန်းများအား စုံစမ်းဦးမည်ဖြစ်ကြောင်း အားပေးပြီး အနားယူဖို့ မှာသွားခဲ့ပါတယ်။

သည်လိုနဲ့ ဒေါက်တာမာတင်ဟဲရစ်စ်ဟာ ဆေးရုံခုတင်ထက်ကနေ ရုပ်မြင်သံကြားကြည့်နေရင်း ဂျာမနီက ဟိုတယ်တစ်ခုမှာ ဇီဝနည်းပညာထိပ်သီးအစည်းအဝေးတက်မယ့် ဧည့်သည်တော်ကြီးများ၊ ပညာရှင်ကြီးများ ရောက်ရှိတည်းခိုလျက် ရှိနေကြပြီဖြစ်ကြောင်း သတင်းကို တွေ့ရတဲ့အခါ သည်ဟိုတယ်ဟာ သူတို့ဇနီးမောင်နှံတည်းခိုဖို့ ငှားရမ်းထားတာဖြစ်ကြောင်း ပြန်မှတ်မိလိုက်ပါတယ်။

ဒါကြောင့် ဆရာဝန်ကြီးကို ဆေးရုံဆင်းလိုကြောင်း ပြောတဲ့အခါ ဆရာဝန်ကြီးက အလုံးစုံပြန်မှတ်မိတာ မဟုတ်သေးတဲ့အတွက် မဆင်းသင့်သေးကြောင်း တားမြစ်ပေမယ့် တစ်ဦးတည်းကျန်နေခဲ့တဲ့ ဇနီးသည်ကို စိုးရိမ်လို့ ဆေးရုံက အတင်းဆင်းပြီး ဟိုတယ်ကို ရောက်အောင် သွားပါတော့တယ်။

ဒါပေမယ့် သူ မျောနေတဲ့ လေးရက်အတွင်း ကမ္ဘာကြီးတစ်ခုလုံး ပြောင်းလဲသွားခဲ့တယ်ထင်ပါရဲ့။

ဇနီးသည်လစ်ဇ်ရဲ့ ဘေးမှာ နောက်ထပ် ဒေါက်တာမာတင်ဟဲရစ်စ်ဆိုတဲ့သူ တစ်ယောက် ရောက်နေပြီး လစ်ဇ်ကိုယ်တိုင်ကလည်း သူ့ကို လုံးဝမသိရပါဘူးလို့ ငြင်းဆိုနေပါတော့တယ်။

credit - ရောင်စုံအခန်းငယ်

အွန်လိုင်းမှာ ကြည့်ရန် အောက်ပါလင့်ခ်ကို နှိပ်ပါ။

တိုက်ရိုက်ကြည့်ရန်

ဒေါင်းလုဒ်ချရန် အောက်ပါလင့်ခ်ကို နှိပ်ပါ။

ဒေါင်းလုဒ်ချရန်

The Book of Life (2014) BluRay 720p Free Watch Online And Download

အရမ်းကောင်းတဲ့ ဇာတ်ကားလေးပါ။
IMDb မှာ rating 7.4 ရပါတယ်။
ဇာတ်လမ်းက အရမ်းချစ်ကြတဲ့ သူငယ်ချင်းသုံးယောက်ကို အခြေခံထားတာပါ။
မက္ကဆီကိုရိုးရာယုံကြည်မှုကို အခြေခံထားပါတယ်။
မေ့လျော့ခြင်းနယ်မြေကို အစိုးရတဲ့ နတ်ဘုရား ဇီဘာလာနဲ့ လွမ်းဆွတ်ခြင်းနယ်မြေကို အစိုးရတဲ့ နတ်ဘုရားမ လာမာရူတီတို့နှစ်ယောက် အချင်းချင်း လောင်းကစားကြရာကနေ ဒီဇာတ်လမ်းလေး ဖြစ်ပေါ်လာခဲ့ပါတယ်။
အဓိကဇာတ်ကောင်သုံးယောက်ကတော့ ကောင်လေးနှစ်ယောက် မာနိုလို၊ ဂျိုအာကွင်း၊ ကောင်မလေး မာရီယာတို့ပါ။
မာရီယာက မြို့ကို စောင့်ရှောက်ရတဲ့ ဗိုလ်ချုပ်ရဲ့ သမီး။
ဂျိုအာကွင်းက နာမည်ကြီးဒါးပြကြီးနဲ့ တိုက်ခိုက်ရင်း ကျဆုံးသွားတဲ့ စစ်ဗိုလ်သူရဲကောင်းရဲ့ သား။
မာနိုလိုက ထင်ရှားတဲ့ ကျွဲသတ်စတန့်သမားမိသားစုက ဆင်းသက်လာသူ။
အရမ်းချစ်ကြတဲ့ သူငယ်ချင်းတွေပေါ့။
ကောင်လေးနှစ်ယောက်က ကောင်မလေးကို အသေအလဲချစ်ကြတယ်။
ဒီတော့ ဇီဘာလာက ဂျိုအာကွင်းက ကောင်မလေးကို လက်ထပ်ရမယ်ဆိုပြီး လောင်းတယ်။
လာမာရူတီကတော့ မာနိုလိုဘက်ကပေါ့။
လောင်းကြေးက ဇီဘာလာနိုင်ရင် လွမ်းဆွတ်ခြင်းနယ်မြေကို အပိုင်စားရမယ်။
လာမာရူတီနိုင်ရင်တော့ ဇီဘာလာဟာ လူတွေကို ထပ်မံမနှောင့်ယှက်ရတော့ဘူးလို့ ဆိုတယ်။
မာရီယာဟာ အရွယ်မရောက်ခင်ဘဲ တတ်သင့်တဲ့ ပညာတွေ သင်ကြားဖို့ ဖခင်ဖြစ်သူက ပြင်သစ်ပြည်ကို စေလွှတ်ခြင်းခံရပါတယ်။
သူမ ပြန်ရောက်လာတဲ့အချိန်မှာတော့ အရမ်းအလှသွေးကြွယ်နေတဲ့ ကောင်မလေး ဖြစ်နေပါပြီ။
အဲဒီအချိန်မှာ ဂျိုအာကွင်းက မြို့ရဲ့ သူရဲကောင်းစစ်ဗိုလ်ကြီး ဖြစ်နေပြီဖြစ်ပြီး
မာနိုလိုကတော့ ကျွဲသတ်စတန့်သမားဖြစ်ဖို့ ဖခင်ရဲ့ ဂုဏ်ယူဝင့်ကြွားစွာ လေ့ကျင့်ပေးခြင်း ခံနေရတယ်။
မာနိုလိုတကယ်တမ်းဖြစ်ချင်တာက ဂီတသမား အနုပညာရှင်တစ်ယောက်လေ။
ဒီလိုနဲ့ သူတို့သုံးယောက်ပြန်တွေ့တဲ့ အချိန်မှာတော့ ဇာတ်လမ်းလေးက စပါတယ်။
မာရီယာက မာနိုလိုကို ပိုပြီး စိတ်ဝင်စားတယ်။ ဂျိုအာကွင်းကို ငြင်းချင်တယ်။
မာနိုလိုရဲ့ အင်မတန်ရိုမန်တစ်ဆန်တဲ့ လက်ထပ်ခွင့်တောင်းခြင်းကို ခံလိုက်ရတဲ့အချိန်မှာ မာရီယာတစ်ယောက် လက်ခံမယ့်ဆဲဆဲ
ဇီဘာလာရဲ့ အကျင့်ယုတ် နှောင့်ယှက်ခြင်းကို ခံရပါတော့တယ်။
ကျန်တာတွေ ပိတ်ကားပေါ်မှာ ရှုစားပါရန်။
နမူနာဗီဒီယိုပါ။

အွန်လိုင်းမှာ တိုက်ရိုက်ကြည့်ချင်ရင်
Watch Online
 ဒေါင်းလုဒ်ချချင်ရင် အောက်ပါလင့်ခ်ကို နှိပ်ပါရန်။
Download Movie
ကျေးဇူးတင်ပါတယ်။